Коронавирусга қарши курашиш бўйича махсус комиссия навбатдаги қарорни қабул қилди. Бу ҳақда EVERYDAY.UZ мухбири хабар қилди.
Комиссия қарорига кўра, 25 декабрдан республикамизга келган фуқаролар коронавирусга экспресс тест топширишади. Экпресс-тестлар аэропортлар, темир йўл вокзаллари ва ўтказиш пунктларида фуқаролар ҳисобидан амалга оширилади. Ушбу тартиб ПЦР тестининг манфий натижаси борларга ҳам таълуқли эканлиги маълум қилинди. Тест натижаси мусбатни кўрсатган ҳолда фуқаролар махсус тибибй муассасаларга юборилади ёки уй шароитида даволанишга юборилади. Хорижда бўлиб турган фуқароларга ушбу ўзгаришлар билан танишиш тавсия этилди.
Эслатиб ўтамиз, Ўзбекистонда илк марта коронавирус инфекцияси 15 мартда аниқланган. 16 март санасидан бошлаб эса мамлакатимизда карантин чоралари амал қилмоқда. Шу йил август ойидан бошлаб карантин чоралари юмшатилди. 18 декабрь куни бош вазир ўринбосари Беҳзод Мусаев Тошкентдаги ёшлар форумида мамлакатимизда коронавирус билан касалланганлар деярли қолмаганини айтган эди.
