Президентнинг Маълум қилишича, шу йил 11 ой давомида мамлакатимизда 25 минг ажримлар қайд этилган. Шавкат Мирзиёев ушбу салбий ҳолат барчамизни жиддий безовта қилиши ва қаттиқ ташвишга солиши кераклигини таъкидлади.
“Агар шуларга бефарқ бўлмасак, мана шу 25 мингта оилани ҳам маҳаллама-маҳалла юрсак, мен ишонаман энг камида 5-10 мингини яраштиришимиз мумкин. Қанчадан-қанча оилаларга бахт, нур олиб келар эдик”, – дейди президент.
Шунингдек, давлат раҳбари нутқида Маҳалла ва оилани қўллаб-қувватлаш раҳбариятига ҳам юзланди.
“Ўзи нуронийларимизнинг катта мактаби бор. Ҳалол,пок бўлиб, оилага муқаддас бўлиб юрган улар. Мана шу нуронийларимиз ўзининг ҳаётини айтиб берсин. Шунинг учун азиз фарзандларимдан, ўғилларим, қизларимдан яна бир марта илтимос қилмоқчиман – бу йўлга боришдан олдин юз карра ўйланглар эртанги кунларингизни. Бу йўлга боришдан олдин фарзандларингизнинг кўзларига қарашингизни илтимос қиламан”, – дейди давлатимиз раҳбари.
