Эртага Президент Мурожаатномасида янги йилга ном берилади. Бу ҳақда Президент матбуот хизмати хабар қилди.
Маълум бўлишича, эртага Шавкат Мирзиёевнинг Олий Мажлисга Мурожаатномаси бўлиб ўтади. Унда йил сарҳисоби ва янги йилга мўлжалланган мақсад ҳамда вазифалар эълон қилинади. Шунингдек, ушбу мурожаатномада янги 2021 йилга қандай ном берилиши маълум қилинади ва мамлакатимизни янада ривожлантиришга қаратилган энг муҳим вазифалар, ички ва ташқи сиёсатга доир устувор йўналишлар белгиланади.
Мурожаатнома эртага, соат 11:00 да Халқаро конгресс марказида бошланади. У ТВ ва расмий сайтлар ҳамда ижтимоий тармоқларда жонли намойиш этилади.
