Ўзбекистонда вилоят ҳокимлари янги йилни қандай кутиб олиши билан Халқ сўзи нашри қизиқиб кўрди. Нашр шу мақсадда 5 та вилоят раҳбарлари билан суҳбатлашган.
Андижон вилояти ҳокими Шуҳрат Абдураҳмонов байрамни иш жойида кутиб олишини билдирган. Ҳоким вилоят аҳолиси байрамни кўтаринки руҳда кутиб олишини таъминлаш мақсадида байрамни ишхонасидан нишонлайди.
Сирдарё вилояти ҳокими Ғофур Мирзаев ҳам бугунги кунни одатдагидек ўз ишхонасида ўтказган. У байрамни оила даврасида кутиб олишини ва сўнгра яна ишга қайтишини таъкидлади.
Навоий вилояти ҳокими ҳам юқорида қайд этилган ҳокимлар сингари бугунги кунни ишда ўтказган. Ўз ўрнида Қобул Турсунов ҳар йилги одати ҳақида гапирди. Унинг айтишича, у ака-ука,опа-сингиллари билан соат тўққизда ота-онасининг уйига боради, сўнгра тарқалиб, уйида янги йилни кутиб олади. Уйда қолиш ёки ишга бориши вазиятга қараб белгиланади.
Самарқанд вилояти ҳокими Эркинжон Турдимов ҳам иш жойида бўлади. Кечки пайт у ҳам оила даврасида бўлишга улгуради.
Қашқадарё вилояти ҳокими Зоир Мирзаев эса Янги йил кириш дақиқаларида оиласи даврасида бўлади. Мирзаев ҳар бир байрамда президент табригини оилавий эшитишни одат қилганини таъкидлаган.
