Давлатимиз раҳбари Шавкат Мирзиёевнинг расмий веб-сайти янгиланди. Бу ҳақда EVERYDAY.UZ мухбири хабар қилди.
Президент расмий веб-сайтига www.president.uz манзили орқали уланиш мумкин. Унда қуйидаги ўзгартиришлар киритилган.
- Президент Администрацияси бўлими очилган. Мазкур бўлимда Администрация тўғисида, унинг раҳбарияти ва қуйи ташкилотлар ҳақида тўлиқ маълумот берилган;
- сайтнинг асосий менюсида ижтимоий тармоқлардаги саҳифаларга ҳаволалар берилган. Шунингдек, ушбу менюнинг ўзида ижтимоий тармоқлардаги хабарлар ҳақида ўқиш мумкин;
- бош саҳифанинг ўзида дунё ва Ўзбекистон харитаси жойлаштирилган бўлиб, унда маълум бир ҳудуднинг устига босиб, ўша жойга Президентнинг ташрифи ҳақида батафсил маълумот олиш мумкин;
- сайтдаги “медиатека” бўлимига видеолавҳалар ҳам жойлаштириб бориладиган бўлган. Аввалги сайтда видеоларни жойлаштириш имконияти йўқ эди;
Таъкидлаш жоиз, давлат раҳбарининг сайти 2017 йилда янги версияда ишга туширилган эди. Ҳозиргиси эса бугун, 1 январдан тест режимида ишлай бошлади. Сайтга қуйидаги ҳавола орқали ўтиб, батафсил танишишингиз мумкин.
