“Бу – шармандалик, бу – уят. Майли, вазирлик ёки ташкилот раҳбари хорижда ўқиб келгандир. Унинг чет тилларини билиши жуда яхши, лекин Ўзбекистонда раҳбар лавозимида ишлаб, давлат тилини, она тилини билмаслик – бу шармандалик”, – дейди у.
Қирғизбоевнинг сўзларига кўра, Шавкат Мирзиёев БМТ сессиясида ўзбек тилида сўзлаб, ҳаммага намуна кўрсатган. Қирғизбоев бу бўйича ҳужжат лойиҳаси Вазирлар маҳкамасига топширилганини маълум қилди. Ҳужжатда ҳар қандай раҳбар ишга қабул қилинишидан олдин давлат тили бўйича тест топшириши белгилаб қўйилган. Таъкидлаш жоиз, аввалроқ давлат тилини оммалаштириш бўйича бундай чоралар Украинада қўлланилган эди.
