Андижон вилояти ҳокими Асака тумани Улуғбек маҳалласи аҳолиси учрашув ўтказди. Бу ҳақда EVERYDAY.UZ мухбири хабар қилди.
Ушбу маҳаллада 5,2 минг нафар аҳоли истиқомат қилади. Шуҳрат Абдураҳмонов 8 январь куни учрашув ташкил қилди. Ҳаво ҳарорати совуқ бўлгани учун мулоқот гулҳан атрофида бўлиб ўтди.
Аҳоли мулоқот давомида асосан соғлиқни сақлаш соҳасидаги муаммолар ҳақида гапирди. Бундан ташқари, мурожаатларнинг аксарияти иш билан таъминлаш масаласида бўлди. Вилоят ҳокимлиги матбуот хизматининг маълумотига кўра, Абдураҳмонов муаммоларнинг кўпини ўша ернинг ўзида ҳал қилди.
