Маълум бўлишича, ҳоким кеча, 9 январь санасида Ховос тумани “Бинокор” маҳалласида тунаб қолган. Ҳудуд раҳбари у ерда мавжуд муаммоларни ўрганган ва уларни ҳал қилиш бўйича топшириқлар берган. Ана шундай муаммолардан бири электр энергияси экани маълум бўлди. Ҳоким ҳудудни кўздан кечираётган вақтда айрим кўчаларда “свет” йўқлигини кўрган ва уни ҳал қилиш бўйича соҳа раҳбарларига топшириқ бериб, чироқни қайси вақтда ўчириш кераклиги ҳақида гапирган.
“Овқат пайтида ўчирма дейяпман. Соат 9(21:00)гача ўчирманглар, кейин ўчираверинглар. Бу ерда соат 8(20:00)да ўчди. 2 та транфсформатор қўясан, мана бу кўчаларни ҳам янгилайсан”, – дея топшириқ берган ҳоким масъул раҳбарга.
Таъкидлаш жоиз, сўнгги кунларда ҳокимлар чекка ҳудудларга ташриф буюришмоқда. Аввалроқ Андижон вилояти ҳокими Асака туманига бориб, фуқаролар билан гулҳан атрофида суҳбатлашган эди.
