Маъум бўлишича, президент вилоятга ташрифи давомида Марказий ҳарбий округнинг артиллерия бригадасини бориб кўрган ва у ерда яратилган шароитлар билан танишган.
“Асосий мақсадимиз - халқ билан армия бирдамлиги. Ҳарбий қисмлар эшиклари эл учун очиқ бўлиши керак. Миллий армиямизнинг нури, маънавияти ҳаммага етиб бориши зарур. Ёшларни бу ерга олиб келиб кўрсатиш, ўргатиш керак. Бу уларни ватанпарварлик руҳида тарбиялаш, мамлакатимиз тарихи ва қудрати ҳақида билимларини бойитишга хизмат қилади. Бундан ота-оналар ҳам хурсанд бўлади”, - деди Президент.
Шавкат Мирзиёев шунингдек, ташриф давомида ётоқхоналардаги шароитлар, тиббиёт пунктларида яратилган шароитларни ҳам кўздан кечирган. Ҳарбийларнинг жанговар тайёргарликни янги поғонага кўтариш, хориж тажрибасини ўрганиш ва энг илғор ахборот технологияларини ўзлаштириш бўйича кўрсатмалар берган.
