Бугун халқ депутатлари Паст Дарғом тумани кенгашининг навбатдан ташқари сессияси бўлиб ўтди, деб хабар бермоқда ЎзА.
Самарқанд вилояти ҳокими Э.Турдимов иштирок этган сессияда ташкилий масала кўрилди.
Баҳодир Саъдуллаев ўз аризасига биноан Паст Дарғом тумани ҳокими вазифасидан озод этилди.
Шу пайтгача Самарқанд вилояти ҳокимининг иқтисодиёт ва тадбиркорлик масалалари бўйича биринчи ўринбосари вазифасида фаолият кўрсатган Худайбердиев Шунқор Фармонович Паст Дарғом тумани ҳокими этиб тайинланди.
Шунингдек, zarnews.uz'нинг хабар беришича бугун Пайариқда ҳам халқ депутатлари туман кенгашининг навбатдан ташқари сессияси чақирилган.
Унда шу пайтгача туманга раҳбарлик қилиб келган Абдумўмин Жўраев ўрнига янги ҳоким тайинланиши кутилмоқда.
Бу ҳақда сайтимизда хабар берамиз.
