Видеода Шавкат Мирзиёевнинг “Фориш” тоғ полигонида Мудофаа вазирлиги қўшинларининг жанговар тайёргарлиги билан танишган лавҳалари акс этган. Унда ҳарбийларнинг шартли душманни йўқ қилиш бўйича жанговар машғулотлари, ҳарбий муҳандислик амалиётлари намойиш қилинган. Шунингдек, Президентнинг Қуролли Кучлар Академиясига ташриф буюрганидан ҳам лавҳалар тақдим этилган.
Шу билан бирга, видеолавҳада кадрлар ортида давлат раҳбарининг сўзлаган нутқидан парчалар янграб турган. Қуйида уларни ҳавола этамиз.
Маррамиз баланд. Ана шу маррага сизлар ҳар сония, ҳар дақиқа, ҳар соатда тайёр бўлишингиз керак.
Сизлардаа бўлган ирода, ватанпарлик ҳисси мужассам топган фидоий касб ҳаммага ҳам насиб этмаган.
Ҳеч кимдан қўрқмаслигимиз, жасур бўлишимиз керак. Бунга ҳамма нарсамиз бор, буюк тархимиз бор, келажагимизга заминимиз бор. Агар шунга муносиб бўлсак натижа бўлади.
Янги мудофаа доктринасини қабул қилганимиз бежизга эмас. Бунинг тагида халқимизнинг эртанги тинчлиги, осийишталиги турибди.
Бизнинг ёшимизга невараларимиз келгунча биз уларга тинчлик, осойишталикни таъминлаб беришимиз керак. Ўшанда бизнинг виждонимиз тоза бўлади. Шунга қодирмизми, муносибмизми, бунга баҳони халқимиз беради.
Байрам билан сизларни табриклаб, сиҳат-саломатлик, оилавий бахт тилайман. Илойим, юртимизга кўз тегмасин!
Ушбу фурсатдан фойдаланиб, биз ҳам таҳририятимиз номидан бугунги байрам билан барчани табриклаб қоламиз.
