Аввал хабар қилганимиздек, бугун депутатлар Олий ва ўрта махсус таълим вазири лавозимига Абдуқодир Тошқулов номзодини тасдиқлаган эди.
Шундан сўнг шу вақтгача Олий ва ўрта махсус таълим вазири лавозимида ишлаб келган Иномжон Мажидов ишдан олинди. Вазирлик матбуот хизматининг маълум қилишича, у янги лавозимга тайинланган.
Собиқ вазир эндиликда Ўзбекистон миллий университетига ректорлик қилади. Таъкидлаш жоиз, шунга ўхшаш ҳолат соғлиқни сақлаш тизимида ҳам кузатилган эди. Собиқ ССВ вазири Алишер Шодмонов ҳам вазирликдан бўшатилиб, Тошкент тиббиёт академиясига ректор этиб тайинланган эди.
