Бугун Пайариқда ҳам халқ депутатлари туман кенгашининг навбатдан ташқари сессияси ўтказилди.
Унда ташкилий масала кўрилди, деб хабар бермоқда вилоят ҳокимлиги.
Абдумўмин Жўраев ўз аризасига кўра, Пайариқ тумани ҳокими вазифасидан озод этилди.
Шу пайтгача Тойлоқ тумани ҳокимининг биринчи ўринбосари вазифасида фаолият кўрсатган Мусинов Дилшод Султанович Пайариқ тумани ҳокими вазифасини бажарувчи этиб тайинланди.
Аввалроқ Паст Дарғом туманида ҳам ҳоким ўзгаргани ҳақида хабар берган эдик.
