Дастурга янги иш ўрни яратишга ёрдам берувчи инвестицион лойиҳалар киритилгани маълум қилинди. Ушбу дастур пойтахтнинг барча туманларида амалга оширилади. Давлат раҳбари дастурни муҳокама қилиш жараёнида Чилонзор тумани ҳокими ва уни ҳимоя қилишга урунган Тошкент ҳокимини танқид қилди.
Мен Чилонзор тумани ҳокимига топшириқ берган эдим, у қоладими ёки йўқ. Мен уни лавозимидан озод қилмоқчи эдим. Лекин у 3 ойда ўзгаришини таъкидлаган эди, – дейди Шавкат Мирзиёев.
Президент пойтахт ҳокими Жаҳонгир Ортиқхўжаев Сарвар Маҳаметовни (Чилонзор тумани ҳокими – таҳр.) мақтаганини ва “адвокатлик” қилганини айтди.
У Чилонзор туманида нима ўзраганини телевизор орқали айтиши керак, халқ айтиши керак. Тушинарлими ёки йўқ? Менга мақтаниш керак эмас, кимгадир адвокатлик қилиш ҳам керак эмас, – дея таъкидлади давлат раҳбари Тошкент ҳокимига мурожаат қилиб.
Эслатиб ўтамиз, август ойида Чилонзор тумани ҳокими Ортиқхўжаевдан ҳайфсан олган туман раҳбарлари қаторида турган эди. Маълумот ўрнида айтиш мумкинки, Маҳаметов Чилонзор туманига 2018 йилдан буён раҳбарлик қилиб келмоқда.
