Хабарингиз бор давлатимиз раҳбари яқинда бўлиб ўтган йиғилишда бир ҳафта ичида кадрлар алмашуви юз беришини маълум қилган эди.
Йиғилишда Шавкат Мирзиёев яқинда битта вазир ва ҳоким ишдан олинишини айтиб, бир ҳафта ичида бу бўйича ҳужжатга имзо чекишини билдирган эди. Маълум бўлишича, кеча, 29 январь куни жисмоний тарбия ва спорт вазири Дилмурод Набиев бошқа ишга ўтиши муносабати билан лавозимидан озод этилган.
Шунингдек, бугун, 30 январь санасида Президент Тошкент вилояти ҳокими Рустам Қурбонназарович Холматовни лавозимдан озод этиш тўғрисидаги фармонга имзо чеккан. Унинг ўрнига шу пайтгача Тошкент шаҳар ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари лавозимида ишлаб келган Хидоятов Даврон Абдулпаттахович вилоятга в.б. ҳоким этиб тайинланди.
