Ўзбекистонда бир гуруҳ сенаторларга «Адолатли сенатор», «Халқпарвар сенатор», «Меҳнаткаш сенатор» ва «Фахрий сенатор» мақоми ҳамда пул мукофоти берилди, дея хабар қилди ЎзА.
Маълум бўлишича, шу йил 1 февралдаги қарор билан айрим сенаторларга мақомлар берилган. Қарор Сенат Кенгаши томонидан қабул қилинган. Рўйхат 26 январдаги тавсияга асосан тузиб чиқилган.
Унга кўра,
Орал Аминовна Атаниязовага — «Адолатли сенатор»;
Махмуджон Тоировга — «Халқпарвар сенатор»;
Фармон Исхакович Тошевга — «Меҳнаткаш сенатор»;
Сайёра Рахматовна Баратовага — «Фахрий сенатор»;
Бахром Мамажановга — «Фахрий сенатор»;
Шукуржон Маматкуловга — «Фахрий сенатор» мақомлари берилган.
Нашрнинг қўшимча қилишича, мақом олганларга сертификат ва белгиланган тартибда бир марталик пул мукофоти ҳам берилган.
