Ўзбекистон Республикаси Жиноят Кодекси «128-1» моддаси билан тўлдирилмоқда. Янги модда қўшилиши билан боғлиқ ҳужжат давлат раҳбари томонидан имзоланди.
Ушбу моддадаги қонунбузарликни содир этган шахс 2 йилгача қамалиши мумкин. Моддада 16 ёшдан 18 ёшгача бўлган шахснинг 18 ёшга тўлмаганлиги айбдорга аён бўлгани ҳолда уни мулкий манфаатдор этиш орқали у билан жинсий алоқа қилганлик учун жиноий жавобгарлик белгиланди.
Ушбу қонунбузарликни содир этганлар:
- 2 йилга озодликни чеклаш
- 2 йилга озодликдан маҳрум қилиш
- 2 йилгача аҳлоқ тузатиш ишларига жалб қилиниши
- 300 соатгача жамоат ишларига жалб қилиниши билан жазоланиши мумкин.
