Кластер усулида фаолият юритаётган “Самарқанд – Камалак – Инвест – Текстиль” МЧЖда O'zLiDeP қуйи бўғини очилди

Кластер усулида фаолият юритаётган “Самарқанд – Камалак – Инвест – Текстиль” МЧЖда O'zLiDeP қуйи бўғини очилди
Давлатимиз раҳбари халқ билан мулоқот ҳамда олимлар, мутахассислар билан учрашган чоғларида ҳар доим таъкидлайдики, қишлоқ хўжалигида чуқур қайта ишлашни ва саноатни ривожлантирмасдан кўзланган мақсадга эришиб бўлмайди.

Кластер усули жаҳон тажрибасида синовдан ўтган ва муваффақият қозонган усулдир. Қайта ишлаш саноатида кейинги йилларда соҳада амалга оширилган модернизация самарасида ютуқлар кўлами кенгайиб бормоқда.

Пахта-тўқимачилик кластерининг технологик занжири пахта хомашёсини ишлаб чиқариш, уни қайта ишлаш, пахта толасидан калава ип, газлама ва тайёр маҳсулотлар ишлаб чиқаришни ўз ичига қамраб олади.

Самарқанд вилоятининг Паст Дарғом туманидаги йирик тўқимачилик корхонаси – “Самарқанд – Камалак – Инвест – Текстиль” масъулияти чекланган жамияти ҳам ана шундай илғор технологиялар асосида кластер усулида ишлаб келаётган йирик корхоналардан бири саналади.

Олий Мажлис Қонунчилик палатаси Спикери ўринбосари, O’zLiDeP фракцияси раҳбари Актам Хаитов мазкур корхонада бўлиб, иқтисодий имкониятлар, иш жараёнлари ҳамда ходимларга яратилган шарт-шароитлар билан яқиндан танишди.

– Йилига 6 минг тоннадан ортиқ пахтани қайта ишлайдиган корхонамизда тайёрланаётган ип-калава тўлиқ хорижга, яъни Туркия ва Хитойга экспорт қилинади, – дейди «“Самарқанд – Камалак – Инвест – Текстиль” масъулияти чекланган жамияти таъсисчиси Қуёш Хақбердиев. – Цехларимиздаги Швейцариядан келтирилган ускуналар бир кеча-кундузда 12 тонна ип-калава йигириш қувватига эга. Айни пайтда корхонада 4 навбатда 300 нафардан ортиқ ишчи-ходим меҳнат қилмоқда.

Кластер тизими асосида фаолияти кўрсатадиган мазкур корхона кейинги босқичларда туманда етиштириладиган пахта хом ашёсини нафақат ип-калава, балки тайёр трикотаж маҳсулотлари сифатида қайта ишлаб, хорижга экспорт қилишни режалаштирган.

“Пахта - тўқимачилик кластери” – улкан лойиҳа иқтисодий тараққиётнинг шартларидан бири. У билан яқиндан танишиш, моҳиятини чуқурроқ англаш нафақат соҳа ходимлари, мутахассислари, иқтисодчилар учун, балки кенг омма учун аҳамиятлидир. Зеро, барчамизнинг тақдиримиз шу заминга боғланган. Тараққиёт – инновацияни талаб этади. Улардан қанчалик хабардор бўлсак, ривожланишда хам шунчалик ҳиссамиз ошади дейди, - O'zLiDeP фракцияси раҳбари А.Ҳаитов.

Корхонада партия аъзолари ва хайрихоҳлар сафи кенгайиб бормоқда. O’zLiDeP фракцияси раҳбари А.Хаитов бу ҳақда фикр билдирар экан, партия аъзоларини бир мақсад йўлида бирлаштириш учун тўқимачилик мажмуасида бошланғич ташкилоти очиш ҳақидаги ёшлар таклифини қўллаб-қувватлади.

“Самарқанд – Камалак – Инвест – Текстиль” масъулияти чекланган жамияти қошида партиянинг қуйи бўғини очилиб, 60 нафар иш-ходимлар партия сафига қабул қилинди ва уларга партияга аъзолик гувоҳномалари ва кўкрак нишонлари топширилди.

O’zLiDeP Самарқанд вилоят Кенгаши

матбуот хизмати

Ўхшаш янгиликлар

Сўнгги янгиликлар

Чироқчида 6-синф ўқувчисига 2 баҳо қўйиб, боланинг акасидан калтак еган ўқитувчи воқеаси бўйича расмий муносабат билдирилди

Қашқадарё вилоятида Чироқчи туманида ўқитувчи калтакланди. Бу ҳақда ОАВда хабарлар тарқаилди. Маълум бўлишича, 134-сонли мактабнинг инглиз...
Кеча, 23:58

Видео: Тошкент метросида поездлар тўқнашиб кетди

Тошкент метросида поездлар тўқнашгани акс этган видео тарқалди. Видео телеграм каналларда эълон қилинди. Тарқалган видео изоҳида ушбу...
9-04-2021, 19:51
1

Сурхондарёда 16 ёшли қизни зўрлаган эркак ички ишлардаги танишлари орқали ишни “тинчитгани” айтилмоқда

Сурхондарё вилояти Термиз шаҳрида эркак 16 ёшли қизни зўрлагани маълум қилинди. Бу ҳақда EVERYDAY.UZ мухбири хабар қилди. Маълум бўлишича,...
9-04-2021, 19:46
1

Видео: Ўзбекистон чемпионатида дарвоза тўри ташқарисидан кирган тўп гол деб ҳисобланди

Футбол бўйича Ўзбекистон чемпионатида ғайритабиий ҳодиса содир бўлди. Бу ҳақда EVERYDAY.UZ мухбири хабар қилди. Маълум бўлишича, бугун, 9...
9-04-2021, 18:56
2

Видео: Тошкентдаги “Наврўз” қабуллар уйи бузилди

Тошкент шаҳридаги “Наврўз” қабуллар уйи бузилди. Ушбу бино бузилиши акс этган видеолавҳа тармоқларда тарқатилди. Маълум бўлишича, Халқлар...
9-04-2021, 16:36
2
Ўзбекистон янгиликлари » Сиёсат » Кластер усулида фаолият юритаётган “Самарқанд – Камалак – Инвест – Текстиль” МЧЖда O'zLiDeP қуйи бўғини очилди