“Энг ачинарлиси, аёлларни хўрлаш ва омма олдида «сазойи» қилиш оддий ҳолатга айланиб бормоқда” – Президент

Хабар қилганимиздек давлат раҳбари раислигида йиғилиш бўлиб ўтмоқда. Унда хотин-қизлар муаммолари атрофлича муҳокама қилиняпти.

Давлат раҳбари аёлларни хўрлаш, уларни ўз жонига қасд қилишгача олиб бориш ҳолатлари оддий ҳолатга айланиб бораётганини кескин танқид қилди.

Энг ачинарлиси, аёлларни хўрлаш, ўзини-ўзи ўлдириш даражасига етказиш ҳамда омма олдида «сазойи» қилиш ҳолатлари оддий ҳолатга айланиб бормоқда. Ўтган йили 15 мингга яқин хотин-қизлар тазйиқ ва зўравонликдан жабр кўрган, – дейди Президент.

Шавкат Мирзиёев шунингдек, ажримлар сони ҳам ошиб бораётганини таъкидлаб, ўтган йилнинг ўзида мамлакатимизда 28 мингдан ортиқ ажримлар кузатилганини, биргина Ромитон туманида 110та ажрим қайд этилгани, бу кўрсаткич Қашқадарёда – 2 минг, Хоразмда – 1,1 мингта бўлганини маълум қилди.