“Одамлар нарх-наводан рози эмас” – Президент уйларнинг нархи ҳақида гапирди

Бугун давлат раҳбари Шавкат Мирзиёев раисилигида йиғилиш бўлиб ўтди. Унда уй-жой масаласи муҳокама қилинди.

Маълум бўлишича, йиғилишда Президент бир квадрат метр уй нархини 4 млн сўмдан оширмаслик учун зарур чораларни кўриш кераклигини таъкидлаган ва бу бўйича ҳокимларга топшириқ берган.

Бугунги нарх-наводан одамларимиз рози эмас ва ҳокимлар бунинг ичига кирмагани ҳам рост. Шунинг учун, вилоят ва туман ҳокимлари бир квадрат метр уй нархини 4 миллион сўмдан оширмаслик учун барча зарур чораларни кўриши керак, – деди давлат раҳбари.