“Агар бўлсак ихчамгина иккита вилоят бўлади” – Президент Тошкент вилоятини иккига бўлиш ҳақида ўйлаётганини айтди

Хабар қилганимиздек давлат раҳбари айни вақтда Нурафшон шаҳрида йиғилиш ўтказмоқда.

Маълум бўлишича, Шавкат Мирзиёев йиғилишда Тошкент вилоятини иккига бўлиш ҳақида ўйлаётганини такъидлаган, дея хабар қилди Халқ сўзи нашри.

Тошкент вилоятини иккига бўлмоқчиман. Бирлик йўқ бу вилоятда, агар бўлсак ихчамгина иккита вилоят бўлади. Лекин кўп ўйлаяпман янги ҳокимга имкон бераман. Мен бу ерга вилоят аҳолисининг шарт-шароитини яхшилашга келганман, – деган Президент.