Ўзбекистон Президенти Шавкат Мирзиёев кеча, 1 апрель куни бўлиб ўтган йиғилишда мамлакатимизда соғлиқни сақлаш соҳасида учраётган коррупция ҳолатига тўхталиб ўтди.
Маълум бўлишича, йиғилишда ўтган йили ушбу соҳада 30 миллиард сўмдан ортиқ маблағ талон-торож қилингани қайд этилган. Хусусан, Республика ихтисослаштирилган онкология ва радиология илмий-амалий тиббиёт марказининг Тошкент филиалида 828 миллион сўм, Тошкент педиатрия институти клиникасида эса 423 миллион сўм талон-тарож бўлгани таъкидланди.
Шунингдек, Жондор вилояти тиббиёт бирлашмаси раҳбари 1 миллиард сўмдан ортиқ пулларни ноқонуний сарфлаган. Давлат раҳбари бундай ҳолатлар ҳар бир вилоят ва туманда учрашини айтиб ўтди.
Йиғилишда Бош прокурорнинг биринчи ўринбосари Баҳриддин Валиевга ушбу соҳада назоратни кучайтириш бўйича топшириқ берилган.
