Рамазон Ҳайитини нишонлаш тўғрисида Ўзбекистон Президенти қарори имзоланди. Бу ҳақда ЎзА хабар қилди.
Маълум бўлишича, бу йил Рамазон Ҳайити 13 май куни нишонланади. Шунингдек, 10 майдаги ПФ-6222-сонли Фармонига кўра мамлакатимизда 14 май (жума) ҳамда 15 май (шанба) кунлари қўшимча дам олиш куни деб эълон қилинди.
Аввал хабар қилинганидек, юртдошларимиз ушбу байрам муносабати билан кетма-кет 4 кун – 13 май (пайшанба), 14 май (жума), 15 май (шанба) ва 16 май (якшанба) кунлари дам олади.
Таъкидлаши жоиз, аввалроқ Репост нашри ахборотига таянган ҳолда юртимизда 22 май (шанба) иш куни этиб белгилангани хабар қилинган эди. Лекин ушбу имзоланган ҳужжатларда бу ҳақда сўз бормаган.
