Кеча, 18 май куни давлатимиз раҳбари тиббиёт соҳасига бағишланган видеоселектор йиғилишини ўтказди. Бу ҳақда Президент матбуот хизмати хабар қилди.
Маълум бўлишича, йиғилишда ушбу соҳада ўзгаришларга аҳолининг муносабати ўрганилгани айтилган. Хусусан, ўтказилган сўровномаларда бор-йўғи 13 фоиз аҳоли тиббиётдаги ижобий ўзгаришларни сезаётгани маълум қилинган.
Таъкидланишича, юртимизда сўнгги 1 йилнинг ўзида соҳани такомиллаштириш учун 20 дан ортиқ ҳужжатлар қабул қилинган. Шунингдек, 2021 йилда ушбу тизимга 21 трлн сўм ажратилгани ва бу 2017 йилга нисбатан 3 бараварга кўплиги таъкидланди.
