Тошкент шаҳар ҳудуди кенгайяди. Бу бўйича Халқ депутатлари Қибрай туман кенгашининг қарори қабул қилинган.
Маълум бўлишича, пойтахт ҳудуди 4402 гектарга кенгаяди. Қибрайнинг қуйидаги маҳаллалари Тошкентнинг Яшнобод туманига ўтказилади.
«Жарбоши», «Ташисти», «Ибрат», «Миришкор», «Арғин», «Баҳор», «Чинор» ва «Товкентепа» (жами 2107,4 гектар)
Шунингдек, «Геофизика», «Алишеробод», «Чингелди», «Дўстлик», «Тараққиёт», «Баркамол», «Боғишамол», «Ватанпарвар», «Амир Темур», «Мевазор», «Гулбоғ», «Гулзор-1» ва «Пастки-юз» маҳаллалари Мирзо-Улуғбек туманига ўтказилади.
Таъкидланишича, Қибрайдан сайланган депутатлар халқ депутатлари Яшнобод ва Мирзо Улуғбек туман кенгашлари таркибига ўтган ҳисобланади.
