Хабарингиз бор шу йил октябрь ойида мамлакатимизда президент сайловлари бўлиб ўтади. EVERYDAY.UZ мухбирининг хабар қилишича, мазкур тадбирни ташкил этиш учун давлат бюджетидан қанча пул ажратилиши маълум қилинган.
Таъкидланишича, сайловга 300 млрд сўм ажратилган. Шунингдек, ҳар бир номзодга 3 млрд 97 млн сўмдан ажратилади.
Қўшимча қилинишича, сайлов жараёнида коронавирусга қарши кураш учун 11,5 млрд сўм сарфлаш режалаштирилган. Маблағлар қуйидаги мақсадларда сарфланади.
• Президент сайлови бўйича 14 та округ сайлов комиссияси харажатлари учун;
• 10 800 га яқин участка сайлов комиссиясининг ҳар бирини, эҳтиёждан келиб чиқиб, Давлат байроғи, Давлат герби, сайлов анжомлари билан жиҳозлаш, (яширин овоз бериш кабинаси, овоз бериш қутиси) тарқатма материаллар ва бошқа товар-моддий қийматликлар билан таъминлашга;
• Округ ва участка сайлов комиссиялари аъзолигига жалб этиладиган қарийб 140 000 нафарга яқин комиссия аъзоларининг иш ҳақи ва компенсация тўловларига.
Шунингдек, сайлов бюллетенлари ва таклифномаларини тайёрлаш ҳамда сайлов участкаларигача етказиб бериш учун транспорт харажатлари молиялаштирилади.
Маълум қилинишича, сайлов комиссиялари аъзолари ва сайловчиларни саломатлиги билан боғлиқ хавфсизлигини таъминлаш мақсадлари учун ҳам маблағлар кўзда тутилган.
Шахсий ҳимоя воситалари ва дезинфекцияловчи материаллар билан таъминлашга — 11,5 млрд сўм ажратиш режалаштирилган. Агар сайлов вақтида пандемия шароити юмшаса ва мазкур пулларнинг тўлиқ сарфланишига эҳтиёж бўлмаса, ҳақиқатда сарфланган маблағдан қолган қисми давлат бюджетига қайтарилади.
