Мирзаев аслида ушбу ҳолат 2020 йилнинг октябрь ойида бўлганини ва ҳодиса янги рестораннинг очилиш маросимида содир бўлганини айтди. Мирзаев раққосалар тезроқ чиқиб кетиши учун пул берганини қўшимча қилиб, видеодагидек 4−5 марта эмас, балки 1-2 март пул берганини айтди.
Омманинг олдида худди биз ўйинчилар билан кўнгилхушлик қилгандек бўлдик, лекин аслида ундай бўлмаган, — дейди у.
У шунингдек, иш фаолияти давомида ҳеч қандай хатоликка йўл қўймаганини айтди. Мирзаев айни вақтда оиласи, жамоаси, раҳбарият олдида ўзини оқламоқчи эканини таъкидлади. Собиқ ҳоким ўринбосари раққосалар келганида тўғри йўл тутганини таъкидлаб, видеодаги ҳолат аслида бўрттириб кўрсатилган деб ҳисоблашини айтди. У ушбу ҳолатни “емаган сомсага пул тўлагандек ҳолат, деб баҳолади.
Раққосалар кириб келганда уриб, ҳайдаб бўлмайди. Биз улар учун жавобгар бўла олмаймиз. Тартибда қандай бўлса, худди шундай чиқариб юбориш чораси кўрилади. Уларга қўпол муомалада бўлиб чиқариб юборилса, балки бу бошқача оқибатга олиб келиши мумкин, – дея қўшимча қилди Мирзаев.
