Ўзбекистонда яна бир агентлик ташкил этилиши мумкин. Бу ҳақда EVERYDAY.UZ мухбири хабар қилди.
Маълум бўлишича, Туризм ва спорт вазирлиги ҳузурида Маданий мерос агентлиги ва унинг ҳудудий бошқармалари ташкил этилиши кутилмоқда. Таъкидланишича, агентликнинг марказий аппаратида 65 нафар, ҳудудларда эса 145 нафар ходим фаолият юритади. Агентлик моддий маданий мерос, музейлар, археология, маданий бойликларнинг олиб чиқилиши ва олиб кирилиши соҳасида махсус ваколатли давлат бошқарув органи ҳисобланиши кутилмоқда.
Мазкур ташкилот раҳбарининг мақоми туризм ва спорт вазирининг биринчи ўринбосарига тенглаштирилади. Агентлик раҳбарияти Вазирлар Маҳкамаси томонидан лавозимга тайинланади ва лавозимидан озод этилади.
