Ўзбекистон Президенти Шавкат Мирзиёевнинг ҳафталик иш режаси маълум қилинди. Бу ҳақда EVERYDAY.UZ мухбири хабар қилди.
Маълум бўлишича, давлат раҳбари бугун, 28 июнь куни Туркия Вице-президенти Фуат Октай билан учрашади. Шунингдек, бугуннинг ўзида мис ишлаб чиқаришни ривожлантириш бўйича йиғилиш ҳам бўлиб ўтади.
Эртага, 29 июнь куни эса Шавкат Мирзиёевга давлат активларини хусусийлаштириш жараёнлари, 1 июль куни эса узум етиштириш ва қайта ишлаш масалалари бўйича тақдимот қилинади.
Шунингдек, чоршанба, 30 июнь куни давлат раҳбари ёшлар ва талабалар форумида иштирок этиб, ёшлар билан учрашади.
Қўшимча қилинишича, Президетимиз ушбу ҳафта давомида республика ҳудудларининг бирига амалий ташриф билан боради. Бу ҳақда кейинроқ батафсил маълумот берилади.
