Шавкат Мирзиёевнинг матбуот котиби ҳафта давомида Президент иштирокида бўлиб ўтадиган тадбирлар ҳақида маълумот берди.
Шерзод Асадовнинг маълум қилишича, пойтахтда иссиқлик таъминоти тизимларини модернизация қилиш бўйича тақдимот ўтказилади.
Шунингдек, ҳафта давомида Республика бўйлаб иқтисодий ўсиш суръатларини таъминлаш масалалари бўйича видеоселектор ўтказилади.
Шу билан бирга, давлат раҳбари жума куни Туркманистоннинг Аваза шаҳрида бўлиб ўтадиган Марказий Осиё давлатлари раҳбарларининг навбатдаги маслаҳат учрашувида иштирок этади. 5-6 август куни бўлиб ўтадиган маслаҳат учрашуви доирасида ҳамкорликнинг муҳим истиқболлари муҳокама қилинади.
Шунингдек, Иқтисодий форум, Марказий Осиё етакчи аёлларининг учрашуви, маҳаллий ишлаб чиқарувчилар кўргазмаси ва миллий таомлар фестивали ҳам бўлиб ўтади.
