ЎзЛиДеП раиси ўринбосари коррупциянерлар кичик лавозимларда ҳам ишламаслиги кераклигини айтди

ЎзЛиДеП раиси ўринбосари коррупциянерлар кичик  лавозимларда ҳам ишламаслиги кераклигини айтди
ЎзЛиДеП раиси ўринбосари Дилшод Шоумаров коррупциянерлар кичик лавозимларда ҳам ишламаслиги кераклигини айтди. Бу ҳақда EVERYDAY.UZ мухбири хабар қилди.
Президентимиз бошлаб берган очиқлик, ошкоралик сиёсати туфайли мамлакатимизда коррупция муаммоси ҳам борлиги тан олинди. Нафақат тан олинди, балки бу иллатга қарши жиддий ва муросасиз кураш бошланди. ОАВда мунтазам равишда коррупцияга оид асосли мақолалар, маълумотлар берилаётгани ана шу кураш усулларидан бири.

Яқинда интернетда муайян йўналишда коррупция ҳолатлари энг кўп аниқланган вилоятлар рейтинги эълон қилинди. Батафсилроқ баён этсак, коррупцияга қарши курашиш агентлиги томонидан жорий йилнинг июнь-июль ойларида ўтказилган мониторинг тадбирларида республикамиз бўйича бюджет буюртмачилари томонидан жами қиймати 141 млрд. сўмлик 458 та танловда “Давлат харидлари тўғрисида”ги ва “Рақобат тўғрисида”ги қонунлар талаблари бузилишига йўл қўйилган. Аён бўляптики, коррупцияга қарши янада қатъийроқ ва кескинроқ курашиш лозим. Бу борадаги вазифалар партиямиз дастуридан ҳам ўрин олганини таъкидлаш жоиз. Зеро, порахўрлик жамиятимиз ривожланишига, хусусан, демократик янгиланиш ҳамда модернизациялаш жараёнига ҳар жиҳатдан халақит бермоқда. “Қўлга тушган” порахўрлар телевидение ва матбуотда намойиш этилганига қарамасдан, кўпларнинг қон-қонига сингиб кетган таъмагирлик жамиятимиздан йўқолиб кетмаяпти.

МДҲга аъзо мамлакатларда олиб борилган тадқиқотлар шундан далолат берадики, шўролар тузуми қулаганига ўттиз йил бўлганига қарамай, суд-ҳуқуқ органлари ҳамон давлат ҳокимиятининг итоаткор органига айланганича турибди.
Коррупция жамиятда адолатсизлик, тенгсизлик ва аҳолининг норозилигига олиб келади, бу эса барча соҳадаги ислоҳотларнинг натижасига салбий таъсир қилади.

Мазкур иллатни бартараф этиш учун фақат тегишли ташкилотлар эмас, беистисно барча саъй-ҳаракат қилиши лозим. Айниқса, социологлар, психологлар, журналистлар, тарихчилар, давлат ҳамда жамоат органлари, энг муҳими, амалиётчилар масалани таҳлил этиш ва ечимини топиш устида бош қотириши лозим.

Фикримизча, даставвал фуқароларимиз ҳуқуқий онги ҳамда ҳуқуқий маданиятини янада юксалтириш, ўз ҳақ-ҳуқуқини астойдил ҳимоя қилиш кўникмасини шакллантириш даркор. Шунингдек, таълим тизимида таҳсил оладиган ўсмирлар, ёшларда бу иллатга тоқатсизликни ҳосил қилиш масаласини ҳал қилиш тақозо этиляпти. Бундан ташқари, оилада, боғчада, мактабда ўғил-қизларимиз онгига таъмагирлик ёмон иллат эканини сингдирмасак, мақсад-муддаога эриша олмаймиз.

Олий Мажлис Қонунчилик палатасидаги фракциямиз аъзолари бир масалага кўпроқ диққат қаратиши керак, деб ҳисоблаймиз. Яъни, порахўрлик учун жазони кучайтириш мақсадга мувофиқ. Сир эмас, маълум вақт ўтгач, пора олганларнинг айримларини яна давлат органларида, қайсидир ташкилотларда кўряпмиз. Одамларда бундай жиддий қонунбузарлик кечирилиши мумкин, порахўр кўпинча жазосиз қолади, деган тушунча ҳосил бўляпти. Аслида жазо қаттиқ, таъмагирлик оқибатлари ёмон бўлиши даркор. Бизнингча, коррупционерлар амнистия қилинмаслиги, кичик лавозимларда ҳам ишламаслиги керак.

Мухтасар айтганда, коррупция — тараққиёт кушандасидир. Унга қарши кураш билан ҳаммамиз ва ҳар биримиз шуғулланишимиз лозим, – дейди Шоумаров.

Ўхшаш янгиликлар

  1. Мард 7 август 2021 13:24
    Булмаган гаплар
  2. Азик 5 август 2021 08:25
    Хитойда коррупция учун энг олий жазо кулланилган ва мана Хитой жахон лидери яъни учта кучли давлатни биттаси.Биз манимча якин уттиз йилда ривожлана олмаймиз чунки коррупция баъзиларни генида бор ва авлоддан авлодга утяпти.Амалдор ишдан олиниб шу захоти яна амалга куйиляпти бу гирт мантиксизлик.Сан бу ердаги порани олиб булдинг энди бошка туман ё вилоятдан пора олгин дейишса керакда.Баъзида хатто камалиб чикгач хам амалга тайинланганлар бор.
  3. одил 4 август 2021 23:05
    хитойликларгами гитлержонгами ухшаб халкнинг олдига уч турттасини олиб чикиб отиш керек шунда уз узидан йуколади унгача иложи йук бу ишнинг
  4. Носир 4 август 2021 15:31
    Итбаликлар кармокда Лаханглар тепада. Сув деб Сувга тупиришдек гап булибди. Мустабит тузимда 5 тийин ортикча нарх куйса Магазинчи комалар эди.хозирчи Эртагингизга Катта Инамди Мушиги Хам Ишонмайди.Эртакчи бобо.
  5. Реалист 4 август 2021 15:11
    Коррупцияга қарши кураш агентлиги бор,лекин коррупция кўпайяпти.
    Қашшоқликка қарши курашиш вазирлиги бор,лекин халқ қашшоқланиши давом этяпти.
    Монополияга қарши кураш агентлиги бор,лекин монополия гуллаб яшнаяпти.
    Таклифим:коррупцияга қарши курашни энг юқоридан бошлаш керак,жазони кучайтириш керак,бўлмаса бефойда,қуруқ сафсата,сайлов олди ўйини.
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Олий Мажлис депутати умумий овқатланиш объектларини ҳавони ифсослантиришда айблади

Олий Мажлис Қонунчилик палатаси депутати Ольга Литвинова экология муаммолари ҳақида гапирди. Депутат умумий овқатланиш объектларини ҳавони...
Кеча, 13:16
1

Шавкат Мирзиёев Самарқандда ишсизлар ва камбағалликни бутунлай йўқотиш учун қанча вақт кераклигини айтди

Аввалроқ Президентликка ЎзЛиДеПдан номзод Шавкат Мирзиёев самарқандлик сайловчилар билан учрашгани ҳақида ёзган эдик. Мирзиёев учрашув...
Кеча, 13:02
1

Ўзбекистонда 97 млн долларлик хазина топилгани ҳақидаги хабарга изоҳ берилди

Аввалроқ ижтимоий тармоқларда блогер хазина топиб олгани айтилган видео тарқалган эди. Видео телеграм каналларда эълон қилинди. Видеода...
Кеча, 11:39

Шавкат Мирзиёевнинг самарқандлик сайловчилар билан учрашуви кўтаринки руҳда ўтди

Тадбиркорлар ва ишбилармонлар ҳаракати – Ўзбекистон Либерал-демократик партиясидан Ўзбекистон Республикаси Президентлигига номзод Шавкат...
24-09-2021, 20:07

Навоийда бошқарувни йўқотган Nexia ағдарилиб кетди. Ҳайдовчининг салонда бўлган 75 ёшли онаси вафот этган

Навоий вилоятининг Нурота туманида Nexia-2 ҳайдовчиси эътиборсизлиги сабаб бошқарувни йўқотиши оқибатида автомобиль ағдарилиб кетди, деб...
24-09-2021, 18:59
Ўзбекистон янгиликлари » Сиёсат » ЎзЛиДеП раиси ўринбосари коррупциянерлар кичик лавозимларда ҳам ишламаслиги кераклигини айтди