Давлатимиз раҳбари Шавкат Мирзиёев Туркия раҳбари Режеп Таййип Эрдоғанга ҳамдардлик билдирди. Бу ҳақда Ўзбекистон раҳбари матбуот хизмати хабар қилди.
Шавкат Мирзиёев Туркиянинг шимолий вилоятларида юз берган сув тошқинлари оқибатида кўплаб инсонлар қурбон бўлгани, бинолар ва инфратузилма объектларига катта зиён етгани муносабати билан Туркия Президенти Режеп Таййип Эрдоғанга ҳамдардлик билдирган.
Мирзиёев бутун Туркия халқига, шунингдек, ҳалок бўлганларнинг оила аъзолари ва яқинларига ҳамда жароҳатланганларга ҳамдардлик ва далда сўзларини етказишни сўради.
