Давлат раҳбари интервью давомида мамлакатда кузатилаётган коррупция ҳолатига тўхталиб ўтди. Мирзиёевнинг сўзларига кўра, 2020 йилда турли даражадаги мансабдорлар томонидан содир этилган жиноятлар учун 1723 шахс жиноий жавобгарликка тортилган ва улар 500 млрд сўм зарар етказган.
Шу йилнинг 5 ойида эса 1696 нафар мансабдорга нисбатан жиноий иш очилган ва улар етказган зарар 450 млрд сўмни ташкил этмоқда.
Ҳеч шубҳасиз, бу моддий зарарлар айбдорлардан ундириб олинади. Коррупция балосини жамиятимиз ҳаётидан йўқ қилишга қаратилган сиёсат келгусида ҳам қатъий давом эттирилади, — деди Шавкат Мирзиёев.
