Андижон вилояти Бўстон туманида халқ депутатлари туман кенгашининг навбатдан ташқари сессияси бўлиб ўтди. Бу ҳақда EVERYDAY.UZ мухбири хабар қилди.
Сессияни вилоят ҳокими Шуҳрат Абдураҳмонов олиб борди. Сессия давомида туманга янги ҳоким тайинлаш масаласи кўриб чиқилди.
Туманнинг янги ҳокими этиб Санобар Носирова тайинланди. Носирова тайинловга қадар "Эл ризқи нон" МЧЖда раҳбар бўлиб ишлаган. Эслатиб ўтамиз, туманнинг собиқ ҳокими Садбархон Мамитова шу йил июлда оламдан ўтган эди. У Бўстон туманига 2020 йил март ойидан буён раҳбарлик қилиб келаётган эди.
