Баҳром Абдуҳалимов «Адолат» СДПдан президентликка номзод сифатида тасдиқланди

Баҳром Абдуҳалимов «Адолат» СДПдан президентликка номзод сифатида тасдиқланди
Ўзбекистон «Адолат» социал-демократик партиясининг 8 сентябрь куни ўтказилган VII қурултойида Ўзбекистон Президентлигига партия сиёсий кенгаши раиси Баҳром Абдуҳалимов номзоди сезд делегатларининг кўпчилик овози билан тасдиқланди. Бу ҳақда «Дарё» мухбири хабар бермоқда.

Қурултойда «Адолат» СДП ҳам Республика мустақиллигини мустаҳкамлаш, мамлакат аҳолисига янада тўкис, фаровон турмуш шароитларини яратиш, ижтимоий-иқтисодий, маданий-маърифий, маънавий соҳалардаги ислоҳотларда фаол иштирок этишни мақсад қилган сиёсий куч сифатида ушбу сайловда муносиб иштирок этишга бел боғлаганлиги таъкидланди.

Тадбирда «Адолат» партиясидан Ўзбекистон Президентлигига номзод кўрсатиш тўғрисидаги масала қизғин муҳокама қилинди. Делегатлар қурултойда кўриб чиқиш учун тавсия этилган партия сиёсий кенгаши раиси Баҳром Абдуҳалимовни партиядан Ўзбекистон президентлигига номзод сифатида тасдиқлади.

Кун тартибидаги иккинчи масала юзасидан Ўзбекистон Президентлигига «Адолат» СДПдан номзод Баҳром Абдуҳалимов ўз сайловолди дастурининг мақсад ва вазифалари, устувор йўналишларини маълум қилди.

Баҳром Абдуҳалимовнинг сайловолди дастуридан ўрин олган барча масалалар қурултой қатнашчилари томонидан атрофлича муҳокама қилинди ва делегатлар томонидан тасдиқланди.

Қурултой кун тартибидаги барча масалалар юзасидан тегишли қарорлар қабул қилинди.

Маълумот учун, Баҳром Абдуҳалимов 1959 йил 27 февралда Тошкент шаҳрида таваллуд топган. Тошкент давлат университетини тамомлаган (1981 йил). Ўзбекистон Фанлар академияси Шарқшунослик институтида кичик, катта илмий ходим, бўлим бошлиғи, илмий котиб, илмий ишлар бўйича директор ўринбосари, директор, Ўзбекистон Президенти давлат маслаҳатчиси лавозимларида ишлаган. Тарих фанлари доктори, Марказий Осиё тарихи ва шарқшунослик соҳасидаги олим.

У 2011—2020 йилларда Фанлар академияси вице-президенти лавозимида ишлаган. 2020 йилнинг октябрида «Адолат» СДП сиёсий кенгаши раиси этиб сайланган.

Ўхшаш янгиликлар

  1. Носир 9 сентябр 2021 04:38
    Омадсиз артистлардан бири.Ётиб ухланглар кеч булди ЭРТАГИМИЗ ТУГАДИ.Узларинг хам ишониб югириб кетманглар ёнгок таркатилаётганига.
  2. Реалист 8 сентябр 2021 18:48
    «Мусаффо осмонда» ҳеч нарса ўзгармаган.Хақиқий мухолиф партиялар сиёсий сахнага чиқмагунча ўзгармайди бу цирк.
    Ўйлайманки хамма қўғирчоқ партия номзодлари Ш.М.га овоз беради,худди 2000-йилдагидек,
    ўшанда президентликка номзод Абдулхафиз Жалолов мағрурлик билан Каримовга овоз берганини айтганди.
    Охири нима билан тугашини хамма биладиган спектакль,
    кўзбўямачилик.Менимча бу шармандали цирк узооқ давом этади.
  3. Мард 8 сентябр 2021 16:50
    Бирорта мард номзод ИАк данШМдан колган растамажкани очса шунга овощ берардим.марди борми???
Мақола бўйича муносабатингизни билдиринг. Бизга Сизнинг фикрингиз жуда муҳим. Раҳмат!

Сўнгги янгиликлар

Олий Мажлис депутати умумий овқатланиш объектларини ҳавони ифсослантиришда айблади

Олий Мажлис Қонунчилик палатаси депутати Ольга Литвинова экология муаммолари ҳақида гапирди. Депутат умумий овқатланиш объектларини ҳавони...
Кеча, 13:16
1

Шавкат Мирзиёев Самарқандда ишсизлар ва камбағалликни бутунлай йўқотиш учун қанча вақт кераклигини айтди

Аввалроқ Президентликка ЎзЛиДеПдан номзод Шавкат Мирзиёев самарқандлик сайловчилар билан учрашгани ҳақида ёзган эдик. Мирзиёев учрашув...
Кеча, 13:02
1

Ўзбекистонда 97 млн долларлик хазина топилгани ҳақидаги хабарга изоҳ берилди

Аввалроқ ижтимоий тармоқларда блогер хазина топиб олгани айтилган видео тарқалган эди. Видео телеграм каналларда эълон қилинди. Видеода...
Кеча, 11:39

Шавкат Мирзиёевнинг самарқандлик сайловчилар билан учрашуви кўтаринки руҳда ўтди

Тадбиркорлар ва ишбилармонлар ҳаракати – Ўзбекистон Либерал-демократик партиясидан Ўзбекистон Республикаси Президентлигига номзод Шавкат...
24-09-2021, 20:07

Навоийда бошқарувни йўқотган Nexia ағдарилиб кетди. Ҳайдовчининг салонда бўлган 75 ёшли онаси вафот этган

Навоий вилоятининг Нурота туманида Nexia-2 ҳайдовчиси эътиборсизлиги сабаб бошқарувни йўқотиши оқибатида автомобиль ағдарилиб кетди, деб...
24-09-2021, 18:59
Ўзбекистон янгиликлари » Сиёсат » Баҳром Абдуҳалимов «Адолат» СДПдан президентликка номзод сифатида тасдиқланди