Ўзбекистон Республикаси Марказий сайлов комиссиясининг таклифига кўра, Оуэном Мерфи бошчилигида ЕХҲТ Демократик институтлар ва инсон ҳуқуқлари бўйича бюросининг сайловларни кузатиш миссияси мамлакатимизда мониторинг ишларини олиб бормоқда.
Ушбу делегация фаолияти доирасида 2021 йил 5 октябрь куни Тадбиркорлар ва ишбилармонлар ҳаракати - Ўзбекистон Либерал-демократик партияси Сиёсий Кенгаши Ижро қўмитасида унинг вакиллари билан учрашув бўлиб ўтди, дея хабар қилди ЎзЛиДеП матбуот хизмати. Учрашув давомида халқаро кузатувчилар ЎзЛиДеП тарихи ва ғоялари, партиядан номзод Шавкат Мирзиёевнинг Сайловолди дастури ҳамда тарғибот ва ташвиқот ишлари билан танишдилар. Сайловлар очиқ ва шаффоф ўтаётгани қайд этилди. Меҳмонлар тарғибот ишлари жараёнида замонавий сайлов технологияларининг қўлланиши билан танишдилар. Умуман, ЕХҲТ Демократик институтлар ва инсон ҳуқуқлари бўйича бюроси кузатувчиларининг юртимизга таклиф этилиши, Ўзбекистоннинг умумқабул қилинган демократик тамойилларга содиқлигини яна бир бор исботлади.
Учрашув конструктив руҳда бўлиб ўтди.