Сирдарё вилоятида ҳокимнинг маҳаллалардаги ёрдамчилари лавозимига кадрларни олиш бошланди. Бу ҳақда EVERYDAY.UZ мухбири хабар қилди.
Аввалроқ Республикада ҳар бир маҳаллада ҳокимнинг ёрдамчиси лавозими жорий этилиши ҳақида хабар қилган эдик. Бу ҳақда президенликка номзод Шавкат Мирзиёев сурхондарёлик сайловчилар билан учрашув вақтида гапирган эди.
Маълум қилинишича, ҳоким ёрдамчиси 2 йиллик тажрибага эга бўлиши, улар ишлайдиган маҳаллани яхши билиши ва кўплаб лойиҳалар билан ишлаш қобилиятига эга бўлиши керак. Гулистондаги 24та маҳаллада саралаш тугагач ёрдамчилар ўз ишларини бошлаши мумкин.
Улар хонадонбай ишлайди. Ёрдамчилар оилавий тадбиркорликни ривожлантиради, ижтимоий шартномалар тузади, янги иш ўрни яратади ва субсидия олиш учун купонларни тақсимлайди. Улар 4 миллион сўмдан кам бўлмаган маош олади.
