Гулнора Каримованинг қизи сайловларда кимга овоз беришини маълум қилди

Гулнора Каримованинг қизи Имон Каримова инстаграмдаги саҳифасида унга аъзо бўлганлар билан савол-жавоб уюштирди. Бу ҳақда EVERYDAY.UZ мухбири хабар қилди.

Берилган саволлар қаторида Имондан президентлик сайловларида кимга овоз бериши сўралган. Каримова ушбу саволга қисқа “ЎзЛиДеП” деб жавоб қайтарган.

Таъкидлаш жоиз, сайловларда ЎзЛиДеП партиясидан Шавкат Мирзиёев иштирок этмоқда. Бу йилги сайловлар октябрнинг 24 санасига белгиланган.