Маълум бўлишича, давлат раҳбари пойтахтни айланиш вақтида бирдан маршрутни ўзгартириб , “Версал” тўйхонаси орқасидаги 41-сонли мактабга борган. Мирзиёевнинг ушбу мактабга боргани акс этган видеоси тармоқларда тарқатилди. Давлат раҳбари у ерда спортзал ҳамда ошхонадаги аҳволни ўзи бориб кўрган. Шунингдек, мактаб ўқувчилари билан қисқа суҳбат ҳам ўтказган.
ОАВда тарқалган хабарларга кўра мактабдаги аҳвол унчалик мақтаб бўлмас даражада бўлган. Шундан келиб чиқиб, Шавкат Мирзиёев Бош вазирга камчиликлар учун дарров директорга ёпишмасликни буюрган.
Тағин камчиликлар учун дарров директорга ёпишманглар, уни айби йўқ. Аслида биз уларга тизим қилиб беришимиз керак, деди Шавкат Мирзиёев.
