Ушбу йиғилиш кескин танқидий руҳда бўлиб ўтди. Унда ерни хатловдан ўтказишдаги хатоликлар, қоғозда ва амалдаги рақамлар бир-бирига мос келмаслиги таъкидлаб ўтилди. Хусусан, 30 мингта фермер ва деҳқонларга ажратилган ер майдонлари 67 минг гектарга кўплиги айтиб ўтилди.
Ҳаммаси порахўрлик. Ҳеч ким бир гектар, бир сотих ерни бекорга бермайди, – дейди Президент.
Шунингдек, кадастр билан боғлиқ кўплаб муаммолар борлиги ҳам таъкидлаб ўтилди.
Ҳоким ва прокурорлар, бунинг орқасида аниқ пора ва коррупция турибди. Прокуратура коррупцияга қарши курашиши керак, бу уларнинг конституциявий бурчи. Ўртоқ Йўлдошев (Бош прокурор Ниғматилла Йўлдошев – таҳр.) буни ҳаммага қаттиқ айтиш керак – буни орқасида пора ва коррупция турибди. Фақат мажлис ўтказиш эмас, катта-катта ҳокимларни жиноий жавобгарликка тортсангиз сизни ҳурмат қилиб бошлайман, – дейди Шавкат Мирзиёев.
