Мен форумни кузатяпма. Бу ерда кўп чиройли сўзлар гапирилди. Мен умрим давомида завод, фабрикалар қурдим, лекин чиройли гапиришни ўрганмадим. Менда ораторлик йўқ, бу учун узр сўрайман. Мен ҳеч қачон ҳоким бўламан деб ўйламаганман. Шу сабабга кўра мен чиройли гаплар бўйича моҳир эмасман. Бугун ёшларга берилган ҳамма ваъдалар устидан чиқамиз, – дейди ҳоким.
Ортиқхўжаев ўз нутқида “хейтерлар” ҳақида ҳам гапирди. Ҳокимнинг сўзларига кўра, улар нафақат Ўзбекистон келажагини, балки ўзининг ҳам келажагини ҳам кўрмайди.
Арзимаган нарсалардан ҳам муаммо топиб интернетда негатив ёзадиганлар ҳатто ўз келажагига ишонмайди. Биз уларни фаол ёшлар билан таништириб, ўз келажагига ишонадиган қилишга ёрдам берамиз. Ўша одамларнинг ҳам фикрлаш доираси ўзгаради деб умид қиламиз, – дейди Ортиқхўжаев.
