Бу алаҳсирашми ёхуд лоқайдлик ҳам эви билан...

Бу алаҳсирашми ёхуд лоқайдлик ҳам эви билан...
Бухоро вилояти Когон тумани «Ўбачўли» МФЙ Янги Қаллуқ қишлоғи 86-уйда яшовчи Гулчеҳра Нормуродова ўзига «Агробанк» АТБ Бухоро вилояти бошқармасидан келган хатни ўқиб таажжубдан ёқа ушлади.

— Мазкур банкка профиль ишлаб чиқариш дастгоҳи сотиб олиш ниятида эканимни айтиб, 2021 йилнинг октябрида мурожаат қилгандим, — дейди у. — Тегишли ҳужжатларни ҳам тақдим этгандим. Аммо банк ходимлари «Ишингиз эрта-индин ҳал бўлади», деб роса овора қилдилар. Охир-оқибат банк раҳбари имзоси билан ажабтовур жавоб хати олдим.

Фуқаронинг «ажабтовур» дейишида жон бор. Банкнинг 2021 йил 17 декабрь кунидаги 02/947-сонли жавоб хатида шундай сўзларни ўқиш мумкин:

“...Мурожаатингизда қурилиш материаллари ишлаб чиқариш мақсадида имтиёзли кредит олишда амалий ёрдам беришни сўрагансиз... Мурожаатингиз юзасидан банк ходимлари ва маҳалла фуқаролар йиғинининг масъул ходими билан биргаликда дастлабки мониторинг ўтказилганда таъминотчи корхонадан чорва моллари олиб келинмаганлиги маълум бўлди, бу тўғрисида тегишли далолатнома расмийлаштирилган бўлиб Ҳудудий филиал томонидан кредит ажратилмаслигини маълум қиламиз».

Банкдан қурилиш материали ишлаб чиқаришни йўлга қўйиш мақсадида имтиёзли кредит сўраган фуқарога чорва моллари ҳали олиб келинмаганидан сўз очишса, ҳар қандай киши ҳам ёқасини ушлаб қолиши тайин. Қолаверса, Гулчеҳра Нормуродованинг таъкидлашича, мурожаати юзасидан банк ходимлари ҳам, маҳалла вакили ҳам у билан учрашган эмас. Ёлғончилик, лоқайдлик ҳам эви биланда.

Ушбу жавоб хатининг «Агробанк» АТБ Бухоро вилояти бошқармаси ходимлари томонидан Ўзбекистон Республикаси Президентининг Виртуал қабулхонаси ахборот тизимига ҳам юклатилганини айтмайсизми?!

Г. Нормуродова Халқ қабулхонасига ушбу масала ечими борасида кўмак сўраб мурожаат қилди. Суҳбат жараёнида у чорва моллари эмас, балки профиль ишлаб чиқариш дастгоҳи сотиб олиш учун кредит ажратишни сўраб мурожаат қилганини, хонадонига банк ва маҳалла фуқаролар йиғини ходимлари келмаганларини ва ҳеч қандай далолатнома ёзмаганларини билдирди.

Маълумки, жисмоний ва юридик шахсларнинг мурожаатлари тўғрисидаги қонунчиликни бузиш маъмурий ёки жиноий жавобгарликка сабаб бўлади. Афтидан, банк мутасаддилари масаланинг бу жиҳатини унутишмоқда. Акс ҳолда бир фуқарони шу қадар овора қилишмас, мурожаатига панжа орасидан қарашмас эди.

Гулчеҳра Нормуродовага келсак, Халқ қабулхонаси аралашуви билан унга ваниҳоят тадбиркорлик фаолиятини оқилона йўлга қўйиши учун 36 миллион сўм миқдоридаги кредит маблағи ажратилди.

Саид МИРЗАЕВ,
Ўзбекистон Республикаси Президентининг
Когон туманидаги Халқ қабулхонаси мудири.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Ижтимоий тармоқларда бухоролик 8 синф ўқувчиси калтаклангани акс этган видео тарқалди. Қизнинг отаси буни мактаб директори қилганини айтмоқда

Ижтимоий тармоқларда бухоролик калтакланган 8 синф ўқувчиси акс этган видео тарқалди. Қизнинг отаси мактаб директори уни калтаклаганини...
Бугун, 16:18

Қашқадарёда бедарак йўқолган чўпоннинг жасади топилди

Сурхондарё ва Қашқадарё вилоятлари чегарасида бедарак йўқолган чўпоннинг жасади топилди. Бу ҳақда вилоят ИИБ матбуот хизмати хабар берди....
Бугун, 15:18

Оммавий қабулда мингдан зиёд инсоннниг муаммосига ечим топилди

Уйчилик Матлуба Раҳмонбердиева бир умр жигарлари дарди билан яшади. Сабаби 4 нафар синглисининг кўриш қобилияти жуда паст. Туғма ногиронлик...
Бугун, 15:13

Йил бошидан буён Ўзбекистондан қанча одам кўчиб кетгани маълум бўлди

2022 йил 1 апрел ҳолатига кўра, Ўзбекистон аҳолиси 35,4 миллион кишини ташкил этди. Бу ҳақда Давлат статистика қўмитасининг демографик...
Бугун, 14:42

Ўзбекистонда маймунчечак аниқланса, карантин жорий қилинадими?

23 май куни бўлиб ўтган матбуот анжуманида Соғлиқни сақлаш давлат санитария-эпидемиология хизмати бошлиғи ўринбосари, тиббиёт фанлари...
Бугун, 14:25
Ўзбекистон янгиликлари » Сиёсат » Бу алаҳсирашми ёхуд лоқайдлик ҳам эви билан...