Жиззах вилояти ҳокими аҳоли мурожаатларини тинглади. Натижа қандай бўлади?

Жиззах вилояти ҳокими аҳоли мурожаатларини тинглади. Натижа қандай бўлади?
Аҳоли билан бевосита ва очиқ мулоқот қилиш мақсадида Ўзбекистон Республикаси Президенти Халқ қабулхонаси томонидан жойларда сектор раҳбарларининг сайёр қабуллари йўлга қўйилди.

Хусусан, Жиззах вилояти ҳокими Эргаш Салиевнинг Дўстлик тумани аҳолиси билан сайёр учрашуви бўлиб ўтди. Унда Ўзбекистон Республикаси Президенти Администрацияси масъул ходими Марат Ишбеков, вилоят сектор раҳбарлари, вилоят ва туман Халқ қабулхонаси мудирлари, давлат идоралари раҳбарлари иштирок этишди.

Сайёр қабулда вилоят раҳбарига аҳоли ўртасида тўпланиб қолган 159 та масалалар юзасидан мурожаатлар келиб тушди.

Масалан, Дўстлик шаҳри “Ғ.Ғулом” маҳалласида яшовчи Акром Алманов шаҳар ҳудудидаги дренажларнинг ишламаслиги йиллар давомида халқни қийнаб келаётганини, ерларнинг шўрланиши ва заҳланиши борасида шикоят қилиб келиб келган эди. Ушбу мурожаат бўйича “Обод маҳалла” Давлат дастури асосида пул маблағлари ажратилиб, шаҳардаги барча маҳаллалардаги дренажларни ишга тушириш борасида ҳам тегишли ишлар олиб борилиши белгиланиб, масалага ечим топилди.

Шунингдек, учрашувда туманнинг “Бунёдкор” қишлоғида яшовчи фуқаро Аҳмаджон Йўлдошев ногиронлиги туфайли аравачага муҳтожлиги бўйича узоқ вақт давомида кўплаб идораларга мурожаат қилганлиги, аммо ҳеч ким ёрдам бера олмаганлиги ҳақида мурожжат қилди. А.Йўлдошевга ўша ернинг ўзидаёқ аравача тақдим этилди.

Учрашувда мурожаатларнинг асосий қисми “Обод маҳалла” Давлат дастури доирасида аҳолининг турар-жойлари бузилиши билан боғлиқ бўлиб, ер майдони ажратиш, яшаш учун шарт-шароитлар яратиш каби муаммоли ҳолатларни бартараф этишга қаратилди.

Оммавий қабулда фуқаролик паспортини олиш, йўл ва иншоотлар қурилиши, соғлиқни сақлаш, тадбиркорлик фаолияти ривожлантириш, банк кредит маблағлари ажратиш, электр энергияси таъминоти, аҳолини иш билан таъминлаш, пенсия ҳамда нафақа масаласи билан боғлиқ саволлар 1-сектор раҳбарининг диққат марказида бўлди.

Учрашувда кўтарилган муаммо ва билдирилган таклифларнинг ҳар бири бўйича алоҳида рўйхат юритилди. Улар бўйича масъуллар бириктирилиб, мутасаддиларга қатъий бажариш муддатлари белгиланди.

Аҳоли мурожаатлари вилоят ҳокимлиги томонидан назоратга олинди.

Бу каби қабуллар фуқароларнинг адолат излаб идорама-идора юриши, вилоят марказларига ёки пойтахтга овора бўлиб келиб-кетишининг олдини олиб, муаммони жойида ҳал қилиш имконини бермоқда. Энг муҳими, республика ва вилоят даражасидаги раҳбарларнинг халқ ҳузурига бораётгани қуйи тизимлардан ҳал бўлмаётган масалаларнинг ҳал қилинишига ёрдам бермоқда.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Видео: Деновда йил бошидан буён 15 марта қоида бузган ҳайдовчи 17 ёшли боланинг умрига зомин бўлди

Сурхондарё вилояти Денов туманида аянчли ЙТҲ содир бўлди. Бу ҳақда EVERYDAY.UZ мухбири хабар қилди. Маълум бўлишича, ҳодиса шу йил 10 июнь...
Бугун, 10:42

Андижонда ўғлини тиламчилик қилишга мажбурлаган аёл оналик ҳуқуқидан маҳрум қилиниши мумкин

Аввалроқ Андижонда аёл ўғлини тиламчилик қилишга мажбурлагани ҳақида хабарлар тарқалган эди. Ҳолат вилоят прокуратураси томонидан назоратга...
Бугун, 10:10

Самарқанддаги “заправка”да газ ортилган юк автомашинаси портлаб кетди. Икки киши воқеа жойида ҳалок бўлди

Самарқанд вилоятида суюлтирилган газ ортилган юк автомашинаси портлаб кетди. Бу ҳақда EVERYDAY.UZ мухбири хабар қилди. Маълум бўлишича,...
Кеча, 21:20

Қизиқчи Ортиқ Султонов янги лавозимга тайинланди

Таниқли қизиқчи,сўз устаси Ортиқ Султонов масъулиятли лавозимга тайинланди. Бу ҳақда EVERYDAY.UZ мухбири хабар қилди. Маълум бўлишича,...
Кеча, 17:21
2

Видео: Фарғонада ЙПХ ходимига қўл кўтариб, уни ҳақорат қилган ҳайдовчи қамалди

Фарғона вилояти Қува туманида ҳайдовчи ЙПХ ходимига қўл кўтариб, уни ҳақорат қилди. Бу ҳақда EVERYDAY.UZ мухбири хабар қилди. Маълум...
Кеча, 17:16
Ўзбекистон янгиликлари » Сиёсат » Жиззах вилояти ҳокими аҳоли мурожаатларини тинглади. Натижа қандай бўлади?