Имомали Раҳмоннинг Тошкентга ташрифи кечиктирилди. Ўзбекистон пойтахтида 12 апрель куни Марказий Осиё давлатлари раҳбарларининг иккинчи маслаҳатлашув учрашуви бўлиб ўтиши керак эди.
Манба маълумотига кўра, учрашув президентларнинг розилиги билан бошқа муддатга кўчирилган.
«Минтақа етакчиларининг Тошкентда бўлиб ўтадиган учрашуви аниқ санаси ҳали маълум эмас, у дипломатик каналлар орқали аниқлаштирилади», - дея айтиб ўтган манба.
Эслатиб ўтамиз, учрашувларнинг бундай шакли ўтган йил март ойида етакчиларнинг Остонадаги биринчи йиғилишида Ўзбекистон Президенти Шавкат Мирзиёев томонидан илгари сурилганди.
Ўшанда Мирзиёев ҳамкасбларига ҳар йили Наврўз арафасида учрашишни таклиф қилди ва барчани 2019 йилда Тошкентга келишга чақирди.
Тожикистон ҳукуматидаги манба сўзларига кўра, Марказий Осиё мамлакатларида Наврўз байрами борган сари катта миқёсда нишонланаётгани ва президентлар жадвали шу кунларда жуда қизғин бўлиши туфайли, минтақа етакчилари Наврўздан сўнг учрашишга қарор қилишди.
Режалаштирилаётган учрашув кун тартибида - савдо, иқтисодиёт, транспорт-коммуникация ва маданий-гуманитар соҳаларда давлатлар ўртасидаги ҳамкорликни ривожлантириш, дея хабар қилди Kun.uz.
