“1 ой муддатда ўзгариш қилмаса, ўзим ишдан олиб ташлайман” – Президент қайси ҳокимлар лавозимидан кетиши мумкинлигини номма-ном санади

Ўзбекистон раҳбари шу йил 16 февраль куни чорвачилик соҳасидаги устувор вазифалар муҳокамасига бағишланган йиғилиш ўтказди. Бу ҳақда EVERYDAY.UZ мухбири хабар қилди.

Шавкат Мирзиёев йиғилишда айрим ҳокимларни танқид қилди. Хусусан, Президент аҳолини етарли гўшт билан таъминлай олмаган туман ҳокимларини номма-ном санаб, уларга 1 ой муҳлат берди.

Чортоқ ҳокими (Отахўжаев), Нарпай ҳокими (Раҳманов), Ургут ҳокими (Жабборов), Олтинсой (Жумаев), Ўрта Чирчиқ (Нурматов) ва Урганч тумани (Шарипов). Туманларда аҳолини гўшт билан таъминлаш даражаси бор йўғи 40 фоизга етмаса-да, ушбу туман ҳокимлари 2022 йилда аниқ лойиҳаларини ишга туширишни режа қилмаган. Булар номигагина кабинетга кириб ўтирган ҳокимлар. Шунинг учун 1 ой муддатда ўзгариш қилмаса, бу ҳокимларни ўзим ишдан олиб ташлайман, – дейди Президент.