Президент учрашув давомида Спутникдаги эскирган уйлар мавзусига яна тўхталди. Шавкат Мирзиёевнинг сўзларига кўра, у ердаги 2 қаватли 409 та ёғоч уй бузилиб, эгалари замонавий кўп қаватли уйларга кўчирилади.
Бунда улар учун келгуси беш йилда “Янги Дархон” маҳалласидаги 14 гектар ҳудудда янги кўп квартирали уйлар қурилади, – дейди Президент.
Шавкат Мирзиёев одамларни кўчириш жараёнида уларга тўғри тушунтириш кераклигини таъкидлади.
Авариявий ҳолатда бу уйлар. Ўрнига янги ва сифатли уй қурилса, тўғри тушунтирилса одамлар ўзи истайди кўчишни. Агар бирорта одам бу ота-бобомдан қолган уйим, бу уй музей мен учун, кўчмайман деса кўчирмаймиз, – дея қўшимча қилди давлат раҳбари.
Эслатиб ўтамиз, Президент сайловолди учрашувлар давомида Спутникдаги эскирган уйлар бузилишини айтган эди.
