Пойтахтда 1999 йилнинг 16 февраль воқеаларида иштирок этган 53 ёшли эркакка ҳукм ўқилди. Бу ҳақда EVERYDAY.UZ мухбири хабар қилди.
Маълум бўлишича, Тошкентда туғилган эркакнинг иши жиноят ишлари бўйича Мирзо Улуғбек туман судида кўриб чиқилган. Унга кўра у ЖКнинг 155-моддаси (терроризм), 159-моддаси (Ўзбекистон Республикасининг конституциявий тузумига тажовуз қилиш), 161-моддаси (қўпорувчилик), 164-моддаси (босқинчилик), 223-моддаси (қонунга хилоф равишда чет элга чиқиш ёки Ўзбекистон Республикасига кириш), 242-моддаси (жиноий уюшма ташкил этиш) ҳамда 244-2-моддаси (диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш) билан айбли деп топилган.
Суд қарорига кўра эркак 20 йилга озодликдан маҳрум қилинган.
