Украинада ўзбекистонлик талабалар ертўлада қолаётгани ва уларга зарур маҳсулотлар етишмаётгани ҳақидаги хабарларга ТИВ муносабат билдирди

Украинада ўзбекистонлик талабалар ертўлада қолаётгани ва уларга зарур маҳсулотлар етишмаётгани ҳақидаги хабарларга ТИВ муносабат билдирди
Тармоқлар ва айрим ОАВда Украинада ўқиётган ўзбекистонлик талабалар қийин аҳволда қолгани ҳақида хабарлар тарқалди. Унда талабалар ертўлада қолаётгани ва биринчи зарур маҳсулотлар етишмаётгани ёзилган.

Ўзбекистон ташқи ишлар вазирлиги ушбу хабарларга муносабат билдирди. Вазирлик Украинадаги элчихона ватандошларни олиб чиқиб кетиш бўйича зарур ишларни қилаётганини ва масалалар тезкорлик билан ҳал этилаётганини таъкидлади. Элчихонанинг масъул ходимлари Харьковда бўлиб тургани ва талабалар билан бевосита мулоқотда бўлиб, барча масалалар ҳал этилаётганини маълум қилди.

Таъкидланишича, дипломатик миссия вакиллари ўша ердаги диаспора билан ҳамкорликда Харьков ва Запорожьедаги талабаларга уч маҳал овқат бериб келмоқда. Шунингдек, Запорожье миллий университети раҳбарияти ҳам талабаларга ҳар томонлама ёрдам беришга тайёрлигини билдирган.
Шу билан бирга, Украинанинг Херсон, Хмельницкий, Днепр ва Одесса шаҳарларида ўқиётган ўзбекистонлик талабаларга ҳам диаспора кўмак бераётгани маълум қилинди.

Вазирлик Украина шаҳарлари ўртасидаги автомобиль ва темир йўл алоқалари бутунлай фаолиятини тўхтатган бўлишига қарамай талабалар элчихона вакилларидан Чехия билан чегарадош Львов шаҳрига етказиб қўйишни сўраётганини таъкидлади. ТИВ ўз навбатида бунинг ҳозирда иложи йўқлигини маълум қилган. Шундан келиб чиқиб, вазирлик Украинада бўлиб турган ватандошлардан ваҳимага тушмасликни, ёлғон маълумотларни тарқатмаслик ва элчихонанинг хавфсизлик бўйича умумий кўрсатмаларига амал қилишларини қатъий тавсия этиб қолган. ТИВ Элчихона яқин кунларда Ўзбекистон фуқароларини Украинадан хавфсиз олиб чиқиш учун барча зарур чораларни кўраётганини алоҳида таъкидлади.

Ўхшаш янгиликлар

  1. Соя 27 феврал 2022 17:25
    Буларни талабаларда бошка дарди йукми, дача куриш керак,иномарка олиш керак, чет элда хисоб очиш керак...
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Ўзбекистон ва Тожикистон: Ўзаро ишонч, абадий дўстлик, иқтисодий ҳамкор мамлакатлар...

Ҳудуди 143 минг 100 квадрат километрга чўзилган, салкам 10 миллион аҳоли истиқомат қиладиган Тожикистон Ўзбекистоннинг стратегик шериги ва...
18-04-2024, 15:20

Самарқанд давлат университети тожикистонлик меҳмонларда катта таассурот қолдирди…

Тошкентда бўлиб ўтган Ўзбекистон-Тожикистон ректорлари форуми иштирокчилари Самарқандга ташриф буюрди. Тожикистон Республикаси Таълим ва...
18-04-2024, 09:41

“Болаларимиз яхши яшаши учун ҳам бугун биз уларни ўқитишимиз даркор”…

Самарқанд давлат университети филология, тарих, математика, география ва экология, интеллектуал тизимлар ва компьютер технологиялари...
8-04-2024, 09:46

“Жамиятга билимли болаларни берган ота-она шарафли инсонга айланади”…

Самарқанд давлат университетида Муҳандислик физикаси институти, филология, тарих, математика, география ва экология, интеллектуал тизимлар...
4-04-2024, 09:50

Табрик!

Ўзбекистон Республикаси Президенти ҳузуридаги Давлат бошқаруви академияси ректори A.Ш. Бекмуродовга! Ҳурматли Адҳам Шарипович! Сизни...
31-03-2024, 23:41
Ўзбекистон янгиликлари » Сиёсат » Украинада ўзбекистонлик талабалар ертўлада қолаётгани ва уларга зарур маҳсулотлар етишмаётгани ҳақидаги хабарларга ТИВ муносабат билдирди