Президент 2021 йилда оилада аёлларни хўрлаш ҳолати кўпайганини айтди

Ўзбекистон раҳбари Шавкат Мирзиёев кеча, 1 март куни хотин-қизлар масалалари юзасидан бўлиб ўтган йиғилишда аёлларни хўрлаш ҳолатлари ҳали ҳам кузатилаётганини таъкидлади.

Президентнинг сўзларига кўра, ушбу ҳолат оилаларда ўтган йили 2020 йилга нисбатан 2,5 бараварга ошган.

Ўтган 2021 йилда 39 мингга яқин хотин-қизлар оилада эри, қайнонаси, келини томонидан зўравонлик бўлаётгани ҳақида профилактика инспекторларига мурожаатлар қилган. Бу рақамлар 2020 йилга нисбатан 2,5 бараварга кўпайган, – деди давлат раҳбари.