Самарқанд вилояти ҳокими ўринбосари лавозимидан озод этилди

Самарқанд вилоят ҳокимининг ўринбосари - инвестициялар ва ташқи савдо бошқармаси бошлиғи лавозимида ишлаган Ходжаев Ойбек Эркинович лавозимидан озод этилди. У бошқа ишга ўтиши муносабати билан шундай қарор қабул қилинган.

Таъкидланишича, ушбу лавозимга Мирзабеков Ойбек Алибекович тайинланган. У тайинловга қадар “Ўзсаноатэкспорт” АЖ раҳбари бўлиб ишлаб келган.

Маълумот ўрнида, Мирзабеков 1980 йилда Булунғур туманида таваллуд топган. Ходжаевнинг янги иш жойи ҳақида маълумот берилмаган.